Руски борбен авион собори Сухој Су-25 на украинските воздухопловни сили во воздушна битка во самопрогласената Народна Република Доњецк, изјави денеска за новинарите портпаролот на руското Министерство за одбрана Игор Конашенков.
Тој рече дека Сухој-25 бил соборен во воздушна битка над населбата Јасна Пољана.
Според него, руските воздухопловни, ракетни и артилериски сили минатиот ден уништиле две украински командни пунктови и три магацини за оружје во близина на населбата Спорноје во ДНР.
– Руските воздушни сили употребија паметно оружје за да ги погодат привремените бази на 92-та механизирана и 40-та артилериска бригада на украинската армија во Харков, истакна Конашенков.
Поради успешната офанзива на руските војници во самопрогласената Луганска Народна Република (ЛПР), Киев ја загуби контролата над три бригади на Вооружените сили на Украина и една бригада за територијална одбрана кои се повлекуваа, јави Танјуг.