Залихите на гориво, пари и медицински материјали се при крај во делови на Украина по руската инвазија, која може да принуди до пет милиони луѓе да ја напуштат земјата, соопштија во петокот хуманитарните агенции на ОН.
„Најмалку 100.000 луѓе ги напуштија своите домови, додека уште неколку илјади се преселиле во соседните земји, вклучително Молдавија, Романија и Полска“, изјави портпаролката на ОН за бегалци Шабија Манту на брифингот за вести на ОН во Женева.
„Сè уште се обидуваме да утврдиме која цивилна инфраструктура е загрозена и каде“, рече Афшан Кан, регионален директор на УНИЦЕФ за Европа и Централна Азија, на брифингот со новинарите.