Руските истражители покренаа кривична постапка против новинарка од Краснојарск за наводно ширење лажни вести за руската војска, а жената е уапсена, објави прес-службата на Главната истражна дирекција на Истражниот комитет на Руската Федерација за Краснојарската област и Република Хакасија, како што објави рускиот Инфо24.
Според истражната служба, во мај 2023 година, новинарката објавила материјал што содржел „намерно лажни информации“ за активностите на руските вооружени сили во зоната на воената операција на медиум означен како „странски агент“.
За ова, таа добила 64.000 рубли (659 евра), според Инфо24.
Светлана Хустик
Жената, чие име не го открива Истражниот комитет, е уапсена и наскоро ќе биде испрашана.
Истражителите продолжуваат да ги спроведуваат потребните истраги.
РИА Новости, повикувајќи се на изворот, наведува дека станува збор за новинарката Светлана Хустик, која моментално работи за Сибир.Реалии, што е медиум што руското Министерство за правда го вклучи на списокот на „странски агенти“.