Федералната служба за безбедност (ФСБ) во средата објави дека привела пет Руси и тројца државјани на Украина и Ерменија во врска со експлозијата што го оштети мостот на Крим минатата сабота, пренесе Интерфакс.
ФСБ соопшти дека експлозијата била организирана од Главната разузнавачка управа на украинското Министерство за одбрана и нејзиниот шеф Кирило Буданов.
Украина официјално не ја потврди вмешаноста во експлозијата, но некои украински официјални лица ја прославија причинетата штета.
Во експлозијата на мостот долг 19 километри, уништен е дел од патот, а патниот сообраќај е привремено запрен.
Мостот, престижен проект кој Владимир Путин лично го отвори во 2018 година, стана логистички важен за неговата воена кампања, а преку него се одвиваше снабдувањето на руските сили кои се борат на југот на Украина.
Руските безбедносни сили објавија, како што тврдат, рендген снимка од товарот што ја предизвикал експлозијата.
Автентичноста на сликата и нејзиниот извор не се независно потврдени.