Антитерористичката операција започната во рускиот регион Дагестан по смртоносните напади на синагога и православни цркви во кои загинаа најмалку 16 лица заврши во понеделникот, објави рускиот комитет за борба против тероризмот.
Вооружени напаѓачи нападнаа православни цркви и синагога во Дагестан во неделата, убивајќи еден свештеник и најмалку 15 полицајци, соопштија властите, осудувајќи го „терористичкиот“ чин.
Нападите се случија во главниот град на Дагестан, Махачкала и во крајбрежниот град Дербент. Во Дербент е убиен 66-годишен свештеник, соопштија властите.
Најмалку 15 полицајци загинаа, изјави регионалниот шеф Сергеј Меликов во видеото на Телеграм во понеделникот вечерта.
Тие го „заштитија цивилното население, по цена на сопствениот живот“, додаде тој.
Претходно беше кажано дека се убиени 5 напаѓачи. Засега ниту една организација не ја презеде одговорноста за нападите.
Дагестан е претежно муслиманска руска провинција на Каспиското Езеро.
Соопштено е дека е отворена истрага за „терористички акти“, без дополнителни детали.