Руското Министерство за одбрана денеска соопшти дека добило тајни документи кои потврдуваат дека Украина подготвува воена операција во Донбас во март.
Специјалната операција на руската армија во Украина ја спречи сеопфатната офанзива на ударните групи на украинската армија врз ЛНР и ДНР, која е планирана за март оваа година, изјави портпаролот на Министерството за одбрана на Русија, Игор Конашенков.
Прв состанок на министрите за надворешни работи на Русија и Украина од почетокот на инвазијата
„За време на специјалната воена операција, тајните документи на командата на Националната гарда на Украина дојдоа во сопственост на руски војници. Овие документи ја потврдуваат тајната подготовка на режимот на Киев за офанзивната операција во Донбас во март 2022 година“, изјави портпаролот на министерството Игор Конашенков на прес-конференција, додавајќи дека станува збор за тајна наредба на командантот на Националната гарда на Украина, генерал-полковник Микола Балан, од 22 јануари годинава“, пренесува Интерфакс.
Како што се наведува, било планирано борбената координација на украинските националисти да биде завршена до 28 февруари, за да се обезбеди реализација на борбените задачи во рамки на украинската „Операција на здружените сили“ во Донбас. Воениот оддел на Русија објави документ со кој се потврдува дека режимот во Киев подготвувал офанзивна операција во Донбас во март.
„Министерството за одбрана на Русија го објавува оригиналот на тајната наредба на командантот на Националната гарда на Украина, генерал-полковник Николај Балан, од 22 јануари 2022 година“, рече Конашенков.
Според него, наредено е „да се организира подготовка на баталјонската тактичка група на 4-та бригада за оперативна намена на Националната гарда на Украина за извршување на борбени (посебни) задачи во операцијата на Здружените сили во рамките на бригадата на вооружените сили на Украина“.
Документот е испратен до шефовите на северниот дел на Киев, јужна Одеса и западните територијални администрации на Националната гарда на Украина.
„Наредбата доставена до командата на административното тело на Националната гарда на Украина детално го опишува планот за подготовка на една од ударните групи за офанзивни дејства во зоната на таканаречената операција на Здружените сили во Донбас. рече генералот.
Објавени нови сателитски снимки од рускиот конвој во близина на Киев
Конашенков, исто така, рече дека единицата на украинските сили за воздушно-десантен напад, која се планирало да биде ангажирана во Донбас, од 2016 година ја обучуваат американски и британски инструктори во Лавов според програмата за обука „стандарди на НАТО“.
Тој наведува и дека засега останува нејасно прашањето за вмешаноста на САД и НАТО во планирањето на операцијата на Украина за нападот на Донбас.
❗ Classified documents (order by the Commander National Guard of Ukraine) acquired by @mod_russia confirm without a shadow of a doubt: the Kiev regime was covertly preparing an offensive operation against #Donbass, scheduled for March 2022.
In detail: https://t.co/wbeO1sEQnH pic.twitter.com/sBzqlMrThY
— MFA Russia 🇷🇺 (@mfa_russia) March 9, 2022