Руското Министерство за одбрана соопшти дека денеска биле соборени осум балистички ракети кои дошле од Украина, без да прецизира за какви проектили станува збор, како и дека се уништени бомби и беспилотни летала од американско производство.
Беше објавено во време на ескалација на конфликтот и заканите на Москва дека ќе ги таргетира западните земји доколку западното оружје се употреби на руска територија, пишува France Presse.
„Воздушната одбрана собори осум балистички ракети, шест наведувани воздушни бомби JDAM од американско производство и 45 беспилотни летала, соопшти денеска руското Министерство за одбрана.
Русија минатата недела ја нападна Украина со балистичка ракета со среден дострел без нуклеарна боева глава и вети дека ќе го зголеми бројот на такви напади доколку Киев продолжи да користи западни ракети за цел на руска територија.