Русија стави вето на резолуцијата на Советот за безбедност на Обединетите нации (ОН), која бара Москва веднаш да го запре нападот врз Украина и да ги повлече сите војници.
Loading...
Тоа беше очекуван потег, но САД и нивните сојузници најавија глобална изолација на Русија.
Имаше 11 гласа за, Русија гласаше против, а Кина, Индија и Обединетите Арапски Емирати беа воздржани, што покажа значително, но не и целосно противење на инвазијата.
Неуспехот на резолуцијата го отвора патот за нејзините поддржувачи да повикаат на брзо гласање за слична резолуција во 193-членото Генерално собрание на ОН, каде што нема вето.