Министерството за енергетика на Русија потврди дека размислува за ограничување на бројот на извозници на бензин од земјата.
На овој начин Москва сака да ги потисне сомнителните шеми за извоз на гориво, пренесува агенцијата Тасс.
„Една од мерките што се разгледува е создавање на листа на извозници на бензин“, се вели во соопштението за печатот на руското Министерство за енергетика.
Според извори на весникот Комерсант, нацрт-документот за ограничување на извозот на бензин вклучува воведување листа на рафинерии на кои ќе им биде дозволено да снабдуваат гориво за извоз.
Цените на бензините АИ-92 и АИ-95 на Меѓународната берза за стоки и суровини во Санкт Петербург (SPIMEX) денеска достигнаа рекордни вредности.
Денеска тон бензин АИ-92 се продава за 647,36 евра, а бензинот АИ-95 за 697,85 евра за тон, пренесува Танјуг.