Во среда навечер, Русија изврши голем напад со беспилотни летала врз енергетската инфраструктура во шест украински региони, оставајќи повеќе од 100.000 луѓе без електрична енергија, објавија во среда официјални лица на погодената земја.
Руските сили значително ја оштетија инфраструктурата за транспорт на гас во Полтавскиот регион и погодија една од клучните трафостаници во Сумискиот регион, објави Министерството за енергетика на платформата Телеграм.
Како резултат на тоа, повеќе од 100.000 луѓе останаа без електрична енергија во регионите Полтава, Суми и Чернихив, објави украинскиот претседател Володимир Зеленски.
Главните украински капацитети за производство на гас се наоѓаат во регионите Полтава и Харков. Ројтерс објави дека во среда навечер бил погоден и Харков, како и регионите Запорожје и Донецк.
Во последните недели, Русија ги интензивираше нападите врз украинските енергетски капацитети и покрај напорите на американскиот претседател Доналд Трамп да ја заврши војната во Украина.
„Ги сметаме руските напади за продолжение на намерната политика на Руската Федерација за уништување на украинската цивилна инфраструктура пред грејната сезона“, објави Министерството за енергетика.
Минатата недела, министерството објави дека Русија извршила повеќе од 2,9 илјади вакви напади од март 2025 година.