Руската безбедносна служба ФСБ соопшти дека го уапсила јапонскиот конзул во рускиот пристанишен град Владивосток во Тихиот Океан под сомнение за шпионажа и му наредила да ја напушти земјата. Јапонија тврди дека рацете му биле врзани и дека имал врзани очи.
Русите го обвинија јапонскиот конзул во Владивосток Мотоки Тацунори дека се обидел да добие тајни информации за економските последици од санкциите.
Наводно бил фатен додека ја добивал таа информација, поради што е прогласен за персона нон грата. Тој беше уапсен и ослободен по неколку часа, пренесува Ројтерс.
Во доверливите информации е вклучена и онаа за соработката на Русија со неименувана земја во азиско-пацифичкиот регион, наведе руската безбедносна служба, за што конзулот наводно дал „парична награда“.
#Japan #Russia The #counterintelligence #FSB arrested the #Japanese consul in #Vladivostok. Motoki #Tatsunori , was arrested by the FSB for espionage. The official was allegedly caught red-handed while collecting classified information: he was declared “persona non grata” pic.twitter.com/QdPYMAHNtz
— Donato Yaakov Secchi (@doyaksec) September 26, 2022
Токио поднесе „силен протест“ поради апсењата, сигнализирајќи дека тие може да се одмаздат, изјави владиниот портпарол Хироказу Мацуно за новинарите на брифингот во вторникот.
Тој тврди дека руските власти при апсењето употребиле „заплашување“, врзувајќи му ги рацете на конзулот и врзани очи и укажува на „очигледно кршење на Виенската конвенција за дипломатски односи“.
Јапонскиот конзул треба да ја напушти Русија до среда.