Русија се обидува да постави свој народ на водечки позиции во окупираните украински градови, но Украинците го отежнуваат тоа.
Украинските власти соопштија дека руските војници уапсиле најмалку двајца градоначалници, а еден го замениле со опозиционер наклонет кон Кремљ.
Но, по соборувањето на водечките луѓе во некои украински градови, Русија почна да наидува на проблеми.
Истрага за предавство
Имено, главниот обвинител на Украина покрена истрага за предавство против Галина Данилченко, која беше назначена за нов градоначалник на Мелитопол откако вооружена група луѓе го уапси легитимно избраниот градоначалник на градот Иван Федоров.
Мелитопол неодамна беше окупиран од Русите.
Градските пратеници во неделата повикаа на кривична истрага за, како што рече Данилченко, „големо злосторство предавство и обид да се воспостави окупаторска влада во Мелитопол“.
Советниците го обвинија новиот градоначалник, поранешен член на градскиот совет, дека ја распуштил градската власт и ги префрлил нивните овластувања на Комитетот на пратеници.
Откако Данилченко се прогласи за градоначалник, таа набрзо во телевизиско обраќање изјави дека руските ТВ канали ќе почнат да емитуваат програма во Мелитопол, пишува Си-Ен-Ен.
„Руската армија го киднапираше Евхен Матвеев во неделата“
Регионалниот обвинител на регионот Луганск, кој е под контрола на сепаратистите поддржани од Русија, рече дека Федоров е уапсен за тероризам.
„Руската армија го киднапираше Јевхен Матвејев, градоначалникот на Днепрорудни, во неделата“, изјави украинскиот министер за надворешни работи Дмитро Кулеба.
„Денес руските воени злосторници киднапираа уште еден демократски избран украински градоначалник, градоначалникот на Днепропетровск, Јевхен Матвејев. Ги повикувам сите држави и меѓународни организации да го запрат рускиот терор врз Украина и демократијата“, напиша Кулеба на Твитер во неделата.