Утрово, руските сили со дрон погодија цивилно возило во регионот Херсон, при што загинаа две лица, а уште две беа повредени, соопшти прес-службата на Регионалното обвинителство Херсон.
„Истрагата утврди дека руската армија извршила напад со дрон врз цивилно возило кое се движело по земјен пат помеѓу селата Незламне и Ромашкова, во округот Херсон. Во нападот загинаа двајца мажи на возраст од 44 и 45 години“, се вели во соопштението.
Се забележува дека уште двајца цивили, 83-годишна жена и 58-годишен маж, добиле повреди со различна тежина, поради што биле хоспитализирани.
Обвинителството изјави дека, врз основа на Кривичниот законик на Украина, е покрената предистражна постапка за прекршување на законите и обичаите на војување, вклучително и убиство со умисла, пренесува Танјуг.