Руската агенција за контрола на комуникациите (Роскомнадзор) денеска им нареди на десетици руски медиуми да ги отстранат информациите за воената операција во Украина добиени од неофицијални извори или од украински.
Покрај тоа, според Роскомнадзор, „се појавија материјали во кои операцијата се нарекува напад, инвазија или објавување војна“.
„Роскомнадзор“ соопшти дека станува збор за „неточни информации од општествено значење дека руската авијација ги ракетираше украинските градови, како и за смртта на цивили во нападите на руската армија“.
На 24 февруари агенцијата објави дека руските медиуми „се обврзани да користат информации и податоци добиени исклучиво од руски официјални извори“ при подготовката на информативните материјали.
Опомени добија „Ехо на Москва“, „Иносми“, „Медијазона“, „Њу Тајмс“, „ТВ Дожд“, „Сводна Преса“, „Крим Реалии“, „Нова газета“, „Журналност“, „Лениздат“.
Доколку медиумите не ги исполнат барањата на Агенцијата, како што е наведено, пристапот до ресурси ќе биде ограничен, а тие се соочуваат со парична казна до пет милиони рубли.
Роскомнадзор претходно делумно го исклучи пристапот до Фејсбук. Одлуката е донесена бидејќи Facebook претходно го ограничи пристапот до ТВ Звезда и РИА Новости, порталите Лента и Газета.