Кејден Колман (34) е адвокат, воспитувач и трансродов маж кој родил две деца. Тој има ќерка Азаели (7) и десетмесечен син Џурни. Како што вели, тој поминал трауми и признава дека никогаш не открил во јавноста дека е бремен, туку го покажал стомакот како пивски, со цел да избегне осуда.
Неговата цел е да ја подигне свеста за трансродовите бремени жени, така што тие никогаш нема да го доживеат непријатното искуство што го имал.
„Но, бидејќи повеќето луѓе претпоставуваа дека имам пивски стомак, не морав да одам со страв, грижејќи се дека некој сака да ми наштети“, рече овој трансродов човек.
Лекарите го советувале да абортира
Кајден ја започнал својата транзиција од жена во маж во 2009 година, но ги задржал женските репродуктивни органи. Во март 2013 година ги отстранил градите и привремено престанал да зема тестостерон. Наскоро се шокирал кога дознал дека е во петмесечна бременост со своето прво дете.
Според него, тој доживеал непријатности од медицинскиот персонал, дури бил малтретиран и неколку пати му било понудено да абортира.
– Тоа беше трауматично. Тие многу ме испрашуваа за мојот родов идентитет. Ми рекоа дека не треба да барам помош во гинекологија затоа што тоа е само за жени – вели Кајден.
Денес тој спроведува обуки за транс бременост
Тој наведува дека истражувањето за трансродовата дискриминација, спроведено на национално ниво, открило дека дури 28 проценти од испитаниците пријавиле вознемирување или непријатност во медицинските институции. Затоа тој ја потенцира важноста на постнаталната грижа, затоа што вели дека страдал од постпартална депресија долго време, по раѓањето на првото дете.
– Кога дознав дека сум повторно бремен, првото нешто што помислив е дека не сакам повторно да поминувам низ психолошка тортура. Поддршката на трансродовите лица вклучува многу повеќе од познавање на терминологијата и дружење со нив.
– Не станува збор само за согласување со нас. Туку да се едуцирате и да прифатите еднаквост – рече Кејден на својот профил на социјалната мрежа Инстаграм.
