Роботи со големина на куфери оваа недела започнаа да доставуваат нарачки од ресторани во центарот на Москва до граѓаните.
Услугата е управувана од рускиот интернет гигант Јандекс.
Апликацијата Yandex.Eats, една од неколкуте услуги за достава на храна и намирници во Москва, им нуди на клиентите низ деловната област можност нивните оброци да им бидат доставени од робот.
View this post on Instagram
Роботското возило, наречено Јандекс Ровер, може да се движи независно по градските тротоари. Препознава предмети, планира маршрута, застанува поради пешаци или животни и избегнува пречки. Робот може дури и самоуверено да се движи во мракот.
Роверите доставуваа намирници во некои области на Москва уште од почетокот на есента, како дел од пилот-програмата, но сега започна постепено проширување на нивните оперативни области.
Според „Јандекс“, „Ровер“ зема нарачки од ресторанот и ги носи на клиентот, кој може да ја следи нарачката преку апликацијата.
Тогаш тие само треба да го отклучат роботот со паметен телефон и да ја извадат храната.
View this post on Instagram
Три такви ровери (дел од градската флота од 20 роботи) сега работат во областа на Белиот плоштад.
Побарувачката за услуги за достава постојано расте, а се забрзува и за време на пандемијата, рече Дмитриј Полшчук, од „Јандекс“, пренесува РТ.
„Ги адаптиравме постојните технологии на нови предизвици и ново возило со различен сензор… Верувам дека вакви роботи ќе имаат голем број апликации во блиска иднина“, рече Полишјук претходно.