Рударската корпорација Рио Тинто се извини за загубата на високо радиоактивна капсула во Западна Австралија.
Полицијата утврдила дека инцидентот е несреќен случај и дека нема причина да се поднесе кривична пријава, пренесува АП.
Капсулата била дел од направа за која се верува дека паднала од камионот додека се транспортирал меѓу пустинскиот рудник и градот Перт на 10 јануари.
Камионот со капсулата пристигна во складиштето во Перт на 16 јануари, а службите за итни случаи беа известени за исчезнатата капсула на 25 јануари.
Извршниот директор на рударскиот гигант Рио Тинто, Сајмон Трот, рече дека компанијата го сфаќа инцидентот многу сериозно и се извини што предизвика загриженост во јавноста.
„Препознаваме дека ова е очигледно многу загрижувачко и се извинуваме за алармот во заедницата на Западна Австралија“, рече Трот.
Димензии осум на шест милиметри
Како што истакна тој, покрај целосната поддршка на властите, компанијата започна и сопствена истрага за да разбере како капсулата се изгубила при транзит.
Одделот за противпожарна и итна помош на Западна Австралија објави дека капсулата исчезнала во петокот, два дена откако Рио Тинто ја известил.
Потрагата вклучи луѓе кои ги скенираат нивоата на радијација од уредите долж патиштата што ги користат камионите, а властите рекоа дека можеби ќе треба да ја пребараат целата рута долга 1.400 километри.
Службите за итни случаи на Западна Австралија апелираа до другите австралиски држави и федералната влада за поддршка во пронаоѓањето на капсулата, бидејќи им недостасува опрема.
Капсулата е со димензии осум на шест милиметри.
Керамичкиот извор на цезиум-137, кој вообичаено се користи во мерачите на зрачење, испушта опасни количини на зрачење, што може да предизвика изгореници на кожата, а продолжената изложеност може да предизвика рак.