Саудиска Арабија потпиша стратешки договор со турската компанија Бајкар, врз основа на кој на саудиска територија ќе се произведуваат беспилотните летала на компанијата.
Оваа вест ја објави државната компанија Saudi Arabian Military Industry (SAMI) на Твитер, пренесува Economic Times (ET).
Договорот „ќе ја зајакне улогата на SAMI во поддршката на националната одбранбена индустрија на Саудиска Арабија“, се вели во гореспоменатото соопштение.
Во јули, Ријад се согласи да купи турски беспилотни летала Бајкар, што во моментов е најголемиот воен договор во историјата на Турција.
Инвестициите и финансирањето од земјите од Заливот помогнаа да се намали притисокот врз турската економија, бидејќи Анкара започна дипломатски напори во 2021 година за да ги подобри односите со Саудиска Арабија и Обединетите Арапски Емирати.