Во кумановското село Речица во моментов се изведуваат повеќе инфраструктурни зафати со цел подобрување на патната мрежа и уредувањето на населеното место.
Loading...
Градоначалникот на Куманово, Максим Димитриевски, информира дека активностите опфаќаат дотампонирање на коловозната површина, поставување на сиви бетонски рабници со димензии 20/24, како и корекција на нивелетата кај постоечките шахти и поклопци од фекалната канализација.
Според првиот човек на градот, работите се одвиваат со засилен интензитет, а целосното завршување е планирано до 18 август 2025 година.
– Ова е дел од нашата заложба за побезбедна, поурбана и пофункционална средина за жителите на Речица, истакна Димитриевски.
Никола Ивановски
Loading...