Луѓето сакаат мистерии и една од нив ги мачи не само Шкотите со децении, туку целиот свет.
Се разбира, станува збор за чудовиштето од езерото Лох Нес. Иако многумина ќе речат дека во овие води никогаш немало чудно суштество, сега научниците решиле да се занимаваат со тоа.
Тим научници од целиот свет се собраа да ги анализираат примероците на ДНК од езерото за да дознаат какви животни форми живеат таму.
Професорот Нил Гемел од универзитетот во Нов Зеланд од Отаго водел тим што собрал 250 примероци од вода – кожа, лушпа, пердуви, крзно, измет и урина. Деталните резултати ќе бидат објавени на 5 септември кога ќе презентираат целосен преглед.
– Имаше над илјада извештаи дека нешто необично е видено во езерото Лох Нес, што, се разбира, ги разгоре приказните за чудовиштето што живее таму. Од сите овие извештаи, четири објаснувања може да бидат најочигледни. Нашето истражување ги отфрла повеќето од овие теории, но една и по ова остана прилично извесна, рече Гемел.
Една од најраспространетите теории е дека долговечно чудовиште живее во Лох Нес, поточно, „плисиосаурус“, кој по некое чудо ги преживеал сите периоди во кои другите диносауруси исчезнале. Според друга теорија, чудовиштето од Лох Нес не е всушност еден вид џиновска есетра или сом, а третата верува дека станува збор за заблуда, односно лебдечки гранки или резултат на игра на силен ветер и вода.
Повеќето научници ја отфрлаат можноста за т.н. Неси, сметајќи ги сите такви инсинуации како обична измама.
Една од најпознатите фотографии од чудовиштето на Шкотското езеро датира од 1934 година. Наводно е направена од Роберт Кенет Вилсон, но подоцна се покажа како монтажа, како што признал Крис Спирлинг на неговата смртна постела.
При пребарувањето на езерото преку радар со звук, норвешка група експерти открила девет метри долг ѕверски модел. Подоцна беше потврдено дека станува збор за реквизити за филм направени со цел да се снима филмот од 1970 година „Приватниот живот на Шерлок Холмс“.
Иако има речиси сигурно разумно објаснување за чудовиштето од Лох нес, фасцинацијата со суштества слични на диносаурусите никогаш не престанува, па дури и носи милиони во националната економија. Стотици илјади туристи годишно секоја година доаѓаат во блиското село со надеж дека ќе донесат нова интригантна фотографија.