Разбојници нападнале и ограбиле државјани на Шри Ланка

Во текот на вчерашниот ден во Полициската станица – Бутел Ј.К (43), државјанин на Шри Ланка, кој престојувал во Прифатен Центар за баратели на азил с.Визбегово, скопско, пријавил дека истиот ден околу 12.45 часот во с.Визбегово во близина на Центарот за баратели на азил, непознати сторители извршиле разбојништво над него и над   уште двајца државјани на Шри Ланка, информираат од Министерството за внатрешни работи.

Притоа им биле одземени два мобилни телефони, 120 евра и идентификациона карта за азил. Со тоа сторителите се стекнале со противправна имотна корист од околу 51.000 денари. Додека пријавителот и двете лица се движеле по улицата ги пресретнале 10 непознати машки лица облечени во темна облека и маски  на
главата. Ги заобиколиле и со закана и со употреба на физичка сила им ги одзеле наведените работи и се оддалечиле од местото на настанот.

Се преземаат мерки за пронаоѓање на сторителите и за целосно расчистување на случајот, стои во билтенот на МВР.