Најмалку осум лица загинаа, а девет се ранети при руското гранатирање во Украина, изјави советникот на украинскиот министер за внатрешни работи, во моментот кога од Киев пристигнуваат информации дека се евакуираат голем број граѓани.
Бројни приватни возила го напуштаат главниот град на Украина, Киев, додека во градот се слушаат експлозии, јави дописникот на руската агенција Ta s s.
Руската војска уништи системи за воздушна одбрана на Украина
Народната милиција на самопрогласената Луганска Народна Република (ЛНР) објави дека соборила два украински авиони на територијата на Луганск, на истокот на Украина, и дека ја презеле контролата врз градовите Шастија и станиците Луганск, пренесе Ројтерс. .
Според изјавата на очевидецот на која се повикува Ројтерс, колоната тенкови се упатила во правец на Мариупол, во областа на самопрогласената Доњецка Народна Република (ДНР).
Во видеото на Телеграм, украинскиот претседател Володимир Зеленски вели дека руските сили се насочени кон украинската воена инфраструктура и граничните сили.