Бројот на загинати во трагедијата што го погоди Лисабон се искачи на 17, додека животите на 7 лица се во опасност.
Во трагедијата што го погоди Лисабон, загинаа 17 лица, додека 21 се повредени.
Причината за несреќата сè уште е непозната, но се претпоставува дека дошло до пукање на подземниот кабел, по што дошло до неконтролирано забрзување на жичарницата.
Директорката на португалската цивилна заштита, Маргарида Кастро Мартинс, изјави дека меѓу жртвите има четворица Португалци, двајца Германци, двајца Шпанци, еден Јужнокореец, еден Каповерѓанец, еден Канаѓанец, еден Италијанец, еден Французин, еден Швајцарец и еден Мароканец.
– Националностите на четворицата повредени сè уште не се утврдени – додаде Кастро Мартинс.
Жуникуларот превезувал повеќе од 40 лица во моментот на несреќата, кога излетал од шините и удрил во зградата.
Фотографија од местото на настанот покажува дека кабината на жичарницата, слична на трамвај, е практично уништена.
Властите веруваат дека несреќата е предизвикана од лабав кабел или дефект на сопирачките.
Португалската влада прогласи ден на национална жалост и три дена жалост во Лисабон.
Бригадата на судската полиција беше повикана да ја испита причината за несреќата на жичницата Глорија, која може да прими до 42 патници и е обележје на Лисабон кое е многу популарно кај туристите.
Жичницата е отворена пред повеќе од еден век – во 1885 година.