Расплакан младоженец со пиштол на главата го натераа да се ожени (видео)

Младоженец од индиската држава Бихар, под закана со оружје, го присилиле да се ожени.

Инжинерот Винод Кумар (29) наводно на патот кон работа го киднапирал братот на невестата заканувајќи се со пиштол.

Откако не се појавил дома, неговото загрижено семејство ја повикало полицијата, но подоцна некој повикал од сокриен број и ги известил за неговата венчавка.

Кумар својата невеста ја запознал на венчавката на заедничкиот пријател, а нејзиното семејство вендша побарало тој да ја ожени.

На снимката од венчавката може да се види како момчето неутешно плаче за време на обредот. Во еден момент, роднината му ги брише солзите од очите, додека тој бара да го остават на мира. Тој за време на обредот, одбил да стави традиционална црвена боја на својата невеста.

http://kumanovskimuabeti.mk/indija-nevestite-od-ministerot-dobija-drveni-paki-za-da-gi-tepaat-pijanite-sopruzi/

По венчавката Кумар побарал полициска заштита.

Иако вакво нешто во Индија не се случува често, понекогаш татковците ги киднапираат мажите на своите ќерки за да избегнат обврска да дадат голем мираз, со кој треба да го привлечат посакуваниот младоженец.

Од 2016 година биле киднапирани над 3.000 младоженци, но ниту еден од така склопените бракови не бил поништен.