Врховната Рада на Украина на својата официјална страница на Твитер објави дека биле нападнати од друга држава.
Според украинските власти, во руската воена акција во Украина се приклучила и Белорусија.
„Од Белорусија кон Украина беа лансирани четири балистички ракети“, се вели во соопштението.
Да потсетиме, руските сили рано утринава ја нападнаа Украина од три страни, а експлозиите одекнаа и во Киев.
Бомбите прво паднале врз североисточниот град Харков, но нападот брзо се проширил во централна и источна Украина.
From the territory of the Republic of #Belarus 4 ballistic missiles were launched towards Southwestern direction. pic.twitter.com/iP0lr5WJtS
— Verkhovna Rada of Ukraine (@ua_parliament) February 24, 2022
Нападите биле пријавени во градовите Одеса, Днипро, Мариупол и Краматорск.
Путин најпрвин го објави нападот рано наутро, велејќи дека одлучил да спроведе воена операција и да ги заштити луѓето кои биле „изложени на злоупотреба и геноцид од режимот во Киев 8 години“.
Тогаш претседателот на Украина, Володимир Зеленски, одговори дека разговарал со претседателот на САД, Џозеф Бајден и дека САД се подготвуваат да ја поддржат Украина.