Американската противвоздушна ракета „Патриот“ на тајванската војска експлодираше кратко по лансирањето за време на редовна воена вежба, а снимките од инцидентот брзо се проширија на интернет.
Министерството за одбрана на Тајван им соопшти на локалните медиуми дека причината за експлозијата е под истрага и дека годишната вежба е успешно завршена и дека резултатите ќе бидат анализирани подоцна.
Инцидентот се случил на југот на островот за време на пукање во среда наутро, кога ракетата „Патриот напреден капацитет-2“ (PAC-2) експлодираше неколку секунди по полетувањето.
Втората ракета, испукана во истата вежба, функционираше без проблеми, објавува „Њузвик“.
Според „Тајван њуз“, ова е втор пат од 2023 година ракетата PAC-2, која првпат беше испорачана на Тајван во 1996 година, да експлодира во воздух.
Тајван има девет батерии од системот „Патриот“, секоја со до осум лансери.
Овој противвоздушен систем може да пресретне различни воздушни закани, вклучувајќи тактички балистички ракети.
Вашингтон останува клучен снабдувач на одбранбено оружје за Тајпеј, иако САД и Тајван немаат формални дипломатски односи од 1979 година.
Инцидентот се случи во време на зголемени тензии со Кина, која редовно организира воени маневри во близина на островот и не се откажува од најавата дека, доколку е потребно, ќе ја постигне својата цел за „обединување“ со сила.
Last night, Taiwan’s Air Force Command conducted its annual “Air-Sea Precision Missile Firing Exercise.”
Multiple systems were tested, including the Patriot II and Tien Kung III surface-to-air missile launchers.
During the PAC-2 test, an interceptor detonated shortly after… pic.twitter.com/VOh6IKZNHg
— Taiwan Security Monitor (@TaiwanMonitor) August 20, 2025