Мнозинството земји во светот денес се заинтересирани за независен развој и зачувување на нивната култура и традиции, изјави претседателот на Руската Федерација, Владимир Путин.
Во својот воведен говор на отворањето на 11-та Московска меѓународна безбедносна конференција, Путин истакна дека продолжува формирањето на мултиполарен свет, но истовремено во различни делови на планетата повторно се разгоруваат старите конфликти, а почнуваат и нови.
Тие што ги предизвикуваат овие трагедии, како што објасни рускиот претседател, имаат за цел сопствен профит.
НАТО продолжува да ги развива и зајакнува своите офанзивни способности и сето тоа се случува во исто време кога истекува контролата на вооружувањето, додаде тој.
Затоа, како што рече, намалувањето на безбедносните ризици ќе биде можно само доколку меѓународната заедница се обедини.
Сепак, Русија продолжува да се залага за мир и формирање на праведен свет, додека во исто време Западот испраќа свои експерти, платеници и милијарди долари во Украина, се со цел да го разгори конфликтот.
Путин се осврна и на ситуацијата во Африка и потсети дека и Централноафриканската Република и Мали беа нападнати од терористички групи, откако Западот интервенираше во Либија.