Рускиот претседател Владимир Путин денес разговараше по телефон со израелскиот премиер Бенјамин Нетанјаху за ситуацијата на Блискиот Исток.
„Тие разговараа за ситуацијата на Блискиот Исток и Иран. Владимир Путин ги презентираше своите основни пристапи за интензивирање на политичките и дипломатските напори за обезбедување стабилност и безбедност во регионот“, соопшти прес-службата на Кремљ, пренесува РИА Новости.
Како што е наведено, Путин ја потврди подготвеноста на Русија да преземе медијаторски напори за конструктивен дијалог, а двете страни се согласија да продолжат со контактите на различни нивоа, пренесува Танјуг.