Рускиот претседател Владимир Путин ги повика командантот на групата и командантите на единиците кои најмногу се истакнаа за време на ослободувањето на Курската област во Русија од украинските вооружени сили и им честиташе за успешното завршување на таа операција, изјави портпаролот на Кремљ, Дмитриј Песков.
Тој изјави дека Путин им честитал на командантите во телефонски разговор, објави Тасс.
„Путин им честиташе за победата и им се заблагодари за херојскиот ангажман“, рече Песков.
На 26 април, началникот на Генералштабот на вооружените сили на Русија, Валериј Герасимов, го информираше рускиот претседател Владимир Путин за ослободувањето на Курската област од вооружените сили на Украина.
Генералштабот на вооружените сили на Украина соопшти дека тврдењата на руската Висока команда за крај на непријателствата во Курската област не се точни.