Луѓето кои често консумираат пржена храна, се изложени на голем ризик од мозочен удар. Ова се резултати добиени од истражувањето спроведено во Северна Каролина за врската помеѓу начинот на исхрана и здравствената состојба.
Во експериментот учествувале речиси 90 000 души кои биле во одлична здравствена состојба во почетокот на проектот. Се покажало дека доброволците кои консумирале мрсна и пржена храна се изложени на сериозен ризик од мозочен удар. Причината е во тоа што маснотиите ги запушуваат артериите и водат до смртоносната состојба.
„Докажавме дека ако луѓето се хранат правилно, спортуваат редовно, избегнуваат пржена и мрсна храна, земаат аспирин и омега 3, се заштитени од инсулт“ тврдат експертите. Резултатите покажале уште дека пржената храна ја зголемува опасноста од инфаркт и диабет.