Проруските хакерски групи КилНет и Берегини добија лични податоци на Виктор Микита и Ирина Мудра, заменик-шефот на кабинетот Володимир Зеленски, како и на првиот вицепремиер на Украина Михаил Федоров за време на голем хакерски напад, објавија денес руските медиуми.
Хакерите упаднаа во системите на шест од најголемите украински осигурителни компании и добија, меѓу другото, податоци што вклучуваат адреси на живеење, лични телефонски броеви и податоци за пасоши на украински функционери, објави РИА Новости утрово.
„Направен е упад во базите на податоци на даночниот регистар и пронајдени се информации за заменик-шефот на кабинетот на Зеленски, Виктор Микита и Ирина Мудрој, како и за првиот вицепремиер на Украина, Михаило Федоров“, изјави претставник на хакерската група, кој се претстави како „КилМилк“.
Во петокот беше откриено дека КилНет и Берегини добиле пристап до податоците на најголемите стратешки претпријатија во Украина, вклучувајќи ги Мотор Сич, Запорожје Машинскиот институт и фабриката Укрстал.
Хакерите, исто така, ги откриле податоците за пасошот, годината на раѓање и регистрираната адреса на Роберт Бровди, познат по прекарот Маѓар, командант на беспилотната единица „Птица“ на вооружените сили на Украина и командант на украинските сили за беспилотни системи, пренесува Танјуг.
За време на операцијата, хакерите добиле вкупно повеќе од десет милиони комплети документи за физички и правни лица, фабрики, возила, како и зелени карти, полиси за осигурување, возачки дозволи и видео и фотографски докази за проценки на штети.