Четириесет и двегодишник од Куманово бил приведен ноќва откако полицијата утврдила дека возел со 1,63 промили алкохол.
– На 07.04.2026 во 01:13 часот на улица „Народна револуција“ во Куманово, полициски службеници од СВР Куманово го лишија од слобода А.П.(42) од Куманово, информираат од Секторот за внатрешни работи.
Како што додаваат од полицијата, при контрола во патниот сообраќај, полициските службеници сопреле патничко возило „чироки“ со кумановски регистарски ознаки, кое го управувал и по преземени мерки е констатирано дека е под дејство на алкохол, односно дека има 1,63 промили алкохол во крвта, по што веднаш бил исклучен од сообраќај и задржан во полициска станица.
– По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“, стои во соопштението.
Никола Ивановски