Дваесет и осумгодишен кумановец бил приведен под сомнение дека ограбил една црква, а во друга се обидел да украде пари.
– На 28.08.2025 во 14:45 часот во Куманово, полициски службеници од СВР Куманово го лишиле од слобода Н.А.(28) од Куманово, информираат од Секторот за внатрешни работи.
Тој се сомничи дека на 24.08.2025 со употреба на сила од црквата „Св. Троица“ во с.Љубодраг, кумановско одзел пари, додека на 28.08.2025 од црквата „Св. Петка“ во населбата Бедиње во Куманово, со употреба на сила се обидел да одземе пари од касата.
– Н.А. бил приведен во полициска станица и во службен разговор ги признал делата. Одземеното било пронајдено и вратено на сопственикот и по целосно документирање на случајот, против него ќе биде поднесена соодветна пријава, стои во соопштението на кумановската полиција.
Никола Ивановски