Во 2006 година, принцот Ендру ги угостил осудениот сексуален престапник Џефри Епштајн, неговата соработничка Гислен Максвел и поранешниот американски филмски продуцент и осуден сексуален престапник Харви Вајнштајн во неговата резиденција во Кралската ложа во Виндзор, како дел од прославата на 18-тиот роденден на неговата ќерка Беатрис, пишува Би-Би-Си.
Настанот се случил два месеци откако САД издадоа потерница по Епштајн за сексуален напад врз малолетник.
Претходно беше познато дека гостите присуствувале на прославата во замокот Виндзор, но сега е потврдено дека претходно престојувале во приватниот дом на принцот Ендру.
Би-Би-Си откри дека фотографиите од тројцата мажи се совпаѓаат со изгледот на Кралската ложа.
Ендру се откажа од своите кралски титули оваа година поради обновената истрага за неговата врска со Епштајн, отворајќи дополнително прашања за неговите финансии и начин на живот.
Мемоарите на Вирџинија Џуфре, која го обвини принцот Ендру за сексуално злоставување како тинејџерка, тврдат дека таа била принудена да има сексуални односи со принцот во три наврати, вклучително и настани во присуство на Епштајн и други малолетници.
Ендрју постигна финансиски договор со Џуфре во 2022 година, но постојано негираше какво било кривично дело.
Кон крајот на 1990-тите и почетокот на 2000-тите, Епштајн и Максвел често престојуваа во кралските резиденции, вклучувајќи ги Виндзор, Сандрингем и Балморал.
Епштајн изврши самоубиство во 2019 година додека чекаше судење по обвинението за трговија со луѓе за сексуална експлоатација, додека Максвел отслужува 20-годишна казна затвор во САД, а Вајнштајн беше осуден за сексуален напад.
Откритието дека Ендрју практично не плаќа кирија за Кралската ложа дополнително ги зголеми јавните прашања за неговиот животен стандард и привилегии во рамките на кралското семејство, истакнува Би-Би-Си.