Прекинот на огнот во Појасот Газа ќе стапи на сила утре во 8:30 часот по локално време (6:30 часот по Гринич), соопшти денеска портпаролот на катарското Министерство за надворешни работи, Мајед Ал Ансари.
Ал Ансари на платформата Х напиша дека жителите на Појасот Газа се советуваат да преземат мерки на претпазливост, да бидат максимална претпазливост и да чекаат инструкции од официјални извори.
Според него, времето за почеток на примирјето го договориле Израел и палестинската милитантна група Хамас со помош на посредници.
Израелската влада рано утринава го ратификуваше договорот за прекин на огнот во Појасот Газа и ослободување на заложниците, соопшти кабинетот на израелскиот премиер Бенјамин Нетанјаху, по состанокот кој траеше повеќе од шест часа.
Според договорот, на кој жестоко се спротивставуваат некои екстремно десничарски министри во владата, шестнеделниот прекин на огнот треба да стапи на сила утре, кога првата од серијата размена на заложници држени од Хамас за палестинските затвореници во Израел, објави Тајмс оф Израел.
Договорот може да го отвори патот за крај на 15-месечната војна во Појасот Газа, пренесува Танјуг.