Гласачите во Габон денеска излегоа на гласање на првите претседателски избори по воениот удар во 2023 година, кога беше соборена политичката династија Бонго, која траеше повеќе од 50 години.
Регистрирани се околу 920.000 гласачи, меѓу кои повеќе од 28.000 во странство, кои ќе гласаат на вкупно 3.000 избирачки места, а аналитичарите предвидуваат убедлива победа за привремениот претседател, генерал Брис Клотер Олиги Нгема, кој го предводеше воениот удар, пренесува АП, пренесува Танјуг.
Денешните избори се клучни за 2,3 милиони жители на Габон, од кои една третина живеат во сиромаштија и покрај огромните резерви на нафта.
Привремениот претседател Брис Клотер Олиги Нгема (50) го собори претседателот Али Бонга Ондимба пред две години и се надева дека ќе ја консолидира својата моќ во следните седум години од неговиот мандат.
Бонго беше ставен во домашен притвор по воениот удар и беше ослободен само една недела подоцна од здравствени причини, но неговата сопруга и син беа приведени и обвинети за корупција и злоупотреба на јавните средства.