Вчера околу 01,30 часот било пријавено дека во Куманово на раскрсницата од улиците „Народна револуција“ и „Илинденска“ пред пицерија И.Ф. (21) и Н.М. (21), двајцата од Куманово, застанале со патничко возило, а по кратко време им се доближиле две непознати лица и ги нападнале.
Како што информираат од Министерството за внатрешни работи, И.Ф. и Н.М. побарале лекарска помош во општата болница во Куманово и кај Н.М биле констатирани телесни повреди, а И.Ф. бил препратен во комплексот клиники “Мајка Тереза“ во Скопје, каде му биле констатирани тешки телесни повреди.
Се преземаат мерки за расчистување на случајот.