Украинскиот претседател Володимир Зеленски ги опиша разговорите со САД и Русија како „тешки“ и ја обвини Русија дека „се обидува да ги одложи преговорите“, во време кога тие можеа да стигнат до последната фаза.
– Вчера имаше состаноци во различни формати: билатерални меѓу Украина и САД и мултилатерални. Поточно, имаше разговори меѓу украински, американски и руски претставници. Украинската делегација, заедно со американскиот тим, се сретна и со европски претставници од Обединетото Кралство, Франција, Германија, Италија и Швајцарија – нагласи Зеленски.
Тој истакнува дека Украина го поддржува учеството на Европа во преговорите.
Ја обвини Москва за одложување на процесот
– Веруваме дека учеството на Европа во процесот е неопходно за успешно спроведување на целосно остварливи договори. Украина нема сомнение дека партнерите се способни да обезбедат конструктивност на процесот на преговори и, според тоа, достоен резултат. Вчерашните состаноци беа навистина тешки и можеме да констатираме дека Русија се обидува да ги одложи преговорите кои веќе можеа да стигнат до последната фаза. Им благодарам на американската страна за вниманието кон деталите и трпението во разговорите со сегашните претставници на Русија – заклучи Зеленски.
We are working together with the team to bring real peace closer. The priority is security guarantees for Ukraine. Ukrainian representatives have clear directives on every aspect of the negotiations. I expect a detailed report following all the meetings. pic.twitter.com/PCQpQwrnYO
— Volodymyr Zelenskyy / Володимир Зеленський (@ZelenskyyUa) February 18, 2026
Медински: Беше тешко
Руски медиумски извор соопшти дека преговорите за Украина во Женева се одржале зад затворени врати.
Безбедносните мерки во хотелот „Президент Вилсон“ во Женева, каде што престојуваат членовите на руската делегација поради преговорите меѓу Русија, Соединетите Американски Држави и Украина, беа зајакнати денес.
Преговори меѓу Русија, Украина и САД во Женева
Руската делегација го напушти хотелот во Женева каде што се водеа преговорите со САД и Украина.
– Преговорите траеја два дена: многу долго вчера во различни формати, а денес околу два часа. Беа тешки, но многу деловни – рече Владимир Медински, главниот руски преговарач, кој додаде дека разговорите ќе продолжат „во блиска иднина“.
Според извештаите, полицијата и обезбедувањето се на должност на влезот во хотелот, а полицаец на мотоцикл е стациониран на паркингот на хотелот.
Руската делегација ја предводеше помошникот на рускиот претседател, Владимир Медински.
Во делегацијата беа вклучени:
– Заменик-министерот за надворешни работи Михаил Галузин
– Началник на Главната дирекција на Генералштабот на руските вооружени сили, Игор Костјуков
Американската делегација ја сочинуваат:
– Специјален пратеник на американскиот претседател Доналд Трамп – Стив Виткоф
– Зет на американскиот лидер Џаред Кушнер
Украинската делегација ја предводеше началникот на кабинетот на украинскиот претседател, Кирил Буданов.