Нашиот мозок има проблем со донесување одлуки, па често одложуваме некои обврски. Постои трик кој може да го измами умот и на тој начин да го оживее потребниот ред.
Колку пати сте се налутиле на себе што сте заборавиле нешто, што не сте завршиле нешто, за што во тој момент би ви биле потребни само две минути, но резултирало со големи и долготрајни последици?
Авторот на веб-страницата Quora го сподели со читателите правилото во вакви ситуации, кое гласи:
„Ако ви требаат помалку од две минути за нешто, направете го тоа веднаш“.
Нашиот ум работи на избегнување промени, па овој трик е многу корисен бидејќи се ослободуваме од донесување одредени одлуки.
Правилото за две минути може да ни помогне во различни ситуации.
- Уредена кујна
Измијте ја чинијата и чашата веднаш по јадење. За тоа ви требаат помалку од две минути, во спротивно ви се таложат валкани садови кои подоцна потешко се мијат и создавате непријатност.
- Уредна соба
Кога ќе се вратите дома, ви треба половина минута да се пресоблечете и да ги ставите работите на свое место. Така ќе го спречите нередот во плакарот и таложењето облека на столот или на кое било друго место.
- Уредно електронско поштенско сандаче
Одговорете на мејловите веднаш штом ќе ги видите. Колку пати го одложувате вашиот одговор, што подоцна ви предизвикало дополнителен стрес? Познато е дека е потешко да се одговори кога се насобрала цела планина пораки. Одговорете веднаш штом ќе ја видите пораката.
- Подредени уплатници
Доколку е можно, плаќајте ги сметките што е можно поскоро. Полесно е. Особено денес кога можеме да го направиме тоа преку телефон. Сметките што треба да ги платите, едноставно мора да ги платите. Ако одолговлекувате, можете да добиете само предупредувања.
- Резервација на билети
Доколку сакате да платите билет за културен настан или патување, забрзајте го процесот.
- Чувства
Ако нешто ве мачи или ви пречи, веднаш кажете им на луѓето и олеснете си ја душата.
Животот е многу полесен кога немате долг список на обврски и работи што треба да ги направите. Не паничете за работи за кои ви одземаат само две минути. Направете го тоа сега, пишува магазинот City.