На Велигден 1722 година, холандскиот адмирал Џејкоб Рогевен слетал на тревниот остров во Јужниот Пацифик. Тој го нарече Велигденски остров и открил на него неколку неверојатни работи. Островот се наоѓа на повеќе од 1500 километри од најблиската населба. Во него живееле повеќе од 2.000 староседелци, полинезијци со темна кожа.
Сепак, најчудната работа била она што го видел на островот. По должината на целиот брег, тој нашол големи камени глави со долго лице и исклучително големи и долги уши. Некои имале раце, а други капи направени од црвена лава. Наскоро открил дека овие статуи не се појавуваат само долж крајбрежјето, туку дека ги има низ целиот остров. Многу биле пронајдени, сè уште недовршени, во каменоломите каде биле врежани. Повеќето скулптури се високи и до 3,5 метри, но има и 12 метри.
Она што е мистерија е како овие големи фигури, некои со тежина до 50 тони, биле пренесени од каменоломот и поставени таму каде што се? Кое превозно средство го користел овој примитивен човек за да ги пренесе? Никој не го знае тоа! Се верува дека статуите најверојатно се поврзани со примитивните верски обреди и погребните обичаи на овој народ.
Денес, островот е под власт на Чиле и е првокласна туристичка дестинација. Голем број туристи претставува закана за опстанокот на локалната култура и начин на живот.
