Ватикан потврди дека погребот на папата Франциско ќе биде во сабота во 10 часот по наше време.
Телото на починатиот поглавар на Римокатоличката црква, папата Франциско, ќе биде однесено во базиликата Свети Петар во среда во девет часот наутро, соопшти денеска Ватикан.
Телото на папата Франциско во моментов е изложено во капелата во куќата Санта Марта, каде што живеел во текот на 12-те години како поглавар на Римокатоличката црква.
Папскиот погреб традиционално е сложен процес, но папата Франциско неодамна ги одобри плановите за поедноставување на целата процедура за неговиот погреб.
Франциско исто така ќе биде првиот папа по повеќе од еден век кој ќе биде погребан надвор од Ватикан – неговите посмртни останки ќе бидат положени во базиликата Санта Марија Маџоре, една од четирите главни папски базилики во Рим.