Пожарот во западниот шпански регион Екстремадура опустоши околу 3.700 хектари шума и принуди 550 луѓе да напуштат два домови, соопштија денеска службите за итни случаи.
Ветровито време, наводно, ги попречува напорите да се стави пожарот под контрола, пренесува Ројтерс.
„Тоа се многу силни налети на ветер што ги отежнуваат напорите за гаснење на пожарот“, изјави Дејвид Барона, командант на Единицата за вонредни ситуации, пренесува Танјуг.
Околу 250 пожарникари се борат со пожарот, а според надлежните најверојатно настанал од природна причина.
Невообичаено сувата зима во делови од јужна Европа, која доаѓа по три години потпросечни врнежи во Шпанија, го зголеми ризикот од шумски пожари.
Минатата година, повеќе од 490 пожари уништија рекордни 307.000 хектари во Шпанија.