Голем пожар избувна во понеделник наутро во фабрика за батерии во Јужна Кореја, јужно од Сеул, при што загина најмалку еден работник, а повредени се уште тројца, соопштија пожарникарите, пишува The Korea Times.
Пожар избувнал во фабриката на производителот на литиумски батерии Aricell во Хвасеонг, а починатиот работник бил пренесен во болница откако доживеал срцев удар, додека друг е тешко повреден, а други двајца се здобиле со полесни повреди.
Утринава на работа дошле 67 работници, со 21 е изгубен контакт и се заглавени, а се стравува дека може да има повеќе жртви.
Пожарот од засега непознати причини избувнал во трикатна армирано-бетонска зграда со вкупна површина од околу 2.300 метри квадратни.
Наводно, на пожарникарите им е тешко целосно да го изгаснат пожарот бидејќи запалените литиумски батерии тешко се гаснат со конвенционалните методи за гаснење.
Еден сведок, кој побегнал од вториот кат на фабриката, им рекол на пожарникарите дека во моментот на пожарот имало согорување на експлозив во една од ќелиите на батеријата.
Огнот брзо се проширил бидејќи ќелиите на батериите внатре постојано експлодирале, што им отежнувало на спасувачите да влезат внатре и да пребаруваат.
Се верува дека во фабриката има најмалку 35.000 батерии.