Со механизација утринава е започнато расчистување на дивата депонија кај локалитетот „Туш“ на влезот на населбата Перо Чичо во Куманово.
Акцијата ја спроведува локалната самоуправа преку Јавното претпријатие „Чистоа и зеленило“.
Како што вели градоначалникот Максим Димитриевски, оваа локација се чисти постојано повеќе пати во годината долг временски период.
– Изградено е детстко катче на локацијата за да ги одвратиме несовесните граѓани од несоодветно депонирање на смет, засилени се контролите, но сликата по кус временски период на чист простор е повторно иста, вели тој.
Димитриевски порача дека нема да се откаже, и ќе продолжат сузбивањата на ваквите девијантни појави во општеството.
– Ние нема да се откажеме, ќе продолжиме заеднички да делуваме за сузбивање на оваа девијантна појава во општеството, ќе продолжиме со акции за расчистуваме на дивите депонии, како и со акции за подигнување на јавната свест за зачувување на чиста и здрава животна средина, напиша Димитриевски.
Никола Ивановски