Еден од репрезентативните споменици на град Куманово, Спомен Костурница повторно е осквернавен.
Фотографиите со своја реакција на социјалната мрежа „Фејсбук“ ги објави претседателот на Советот на Општина Куманово, Максим Димитриевски со порака дека оние кои тоа го прават се нелуѓе.
Луѓе – НЕлуѓе, да такви се сторителите на повторното сквернавење и вандализам на Спомен костурница Куманово.
Во континуитет се повторуваат вандализмите, државата гради нови споменици а старите ги препушта на времето и неодговорните граѓани.
Секоја година со заеднички акции се чисти, поединците повторно уништуваат и сквернават.
Што човек ли ќе беше тој кој што плука по сопствената историја, тој кој што не го почитува минатото нема ни сегашност ниту може да создаде иднина.
Власта многу одамна се откажа од оваа “ничија земја”, нека покаже сенс и нека ни ја додели нам на граѓаните и општината, ние сами ќе ја реконструираме и одржуваме.
– Дали и овој пат надлежните ќе го премолчаат оваа недело??? – стои во реакцијата на Димитриевски.
Првиот човек на Советот на Општина Куманово остри критики за неодржувањето на спомен обележјето упати и на Денот на независноста на сметка на локалната и централната власт.
СДСМ и Граѓанското здружение Кумановски акцијаши имаа акција за уредување на Спомен Костурница, но очигледно некој повторно добил креативни идеи.
