Повисоки плати, нови вработувања и униформи во АРМ, најави Шекеринска од Куманово

Вработените во армијата на Република Македонија во јануарската плата ќе добијат 10 % покачување , најави министерката за одбрана Радмила Шекеринска на посетата на здружената оперативна команда во Куманово. Шекеринска најави и нови 375 работни места на професионални војници, подофицери  и офицери  со кои ќе се зголеми бројот на вработените кој во последните години е намален.

„На јануарските плати вработените во АРМ ќе го добијат најавеното покачување кое долги години се нема случено , со оваа покачување  ќе покажеме дека владата води сметка за животниот стандард на вработените за подобар живот , а со тоа ќе ја зголемува и подобрува борбената готовност на нашата армија„- рече Шекеринска.

Еден од предизвиците со кои се соочува македонската армија, според првиот човек на одбраната, е недостигот на млад кадар. Како што посочи министерката Шекеринска долги години бројот на професионални војници и офицери стагнира и бележи намалување.

Во изминатите две години бројот на вработените се намалил за 400 што е многу видливо , а оваа година во три дела ќе вработиме нови 375 професионални војници. На тој начин ќе ја подмладиме нашата армија и ќе им понудиме шанса за воена кариера на младите и ќе ја зголемиме борбената готовност но и капацитетите на армијата на република Македонија“ –   рече Шекеринска и најави дека конкурсот ќе биде отворен во првата половина  од февруари .

Буџетот обезбедил и пари за новите униформи кои оваа година ќе ги добијат сите вработени во АРМ. Министерката за одбрана ги повика текстилните компании да се вклучат со свои предлози за да се добие домашна и квалитетна униформа.

Шекеринска изврши увид на просториите на касарната Боро Менков во Куманово , а присуствуваше и на показна вежба.