Повеќе од 80 маорски племиња побараа од кралот Чарлс да интервенира во политиката на Нов Зеланд поради зголемените тензии меѓу Маорите и владата.
Претставниците на племето побарале помош од кралот за да се погрижи владата на Нов Зеланд да ги почитува ветувањата дадени на Маорите во Договорот од Вајтанги, кој бил потпишан во 1840 година помеѓу повеќе од 500 маорски поглавари и Велика Британија, и кој се смета за основа на модерната држава Нов Зеланд, пишува „Гардијан“.
Откако десничарската коалиција ја презеде власта минатата година, Маори тврдат дека политиките на владата се во конфликт со нивните права.
Меѓу критиките е и намалувањето на употребата на маорскиот јазик и политика, што, според Маори, ги загрозува нивните права на земјата.
Во отвореното писмо, потпишано од повеќе од 500 племенски водачи и претставници на организации, се повикува кралот Чарлс да ја потсети владата на нејзините обврски кон Маори, велејќи дека политиката на новата влада може сериозно да ги загрози односите со Велика Британија.
Владата на Нов Зеланд инсистира дека е посветена на подобрување на животот на сите граѓани, вклучувајќи ги и Маорите, но Маорите веруваат дека одговорноста за одржувањето на Договорот од Вајтанги е кај кралот Чарлс.
A Maori politician broke protocol in New Zealand’s parliament when he swore allegiance to his indigenous ancestors before pledging his oath to the official head of state, Britain’s King Charles. pic.twitter.com/Af5TkJz89N
— DW News (@dwnews) December 5, 2023