Нови корпи за отпадоци се поставени на Градскиот кеј во Куманово, откако претходно беше исчистено речното корито.
ЈП „Чистота и зеленило” и Општина Куманово, во соработка со Мен енд Маунтен и со поддршка на невладината организација “СОН” од Гент, Белгија го исчисти речното корито на градскиот кеј.
– Бидејќи кејот е константна мета на загадување со отпад, Општина Куманово одлучи заедно со поддршка од провинцијата Источна Фландрија од Белгија и невладината организација “СОН” токму во овој дел од градот да постават 16 нови GENERALKA корпи за отпадоци, изјави градоначалникот на Општина Куманово Максим Димитриевски.
Тој упати апел до граѓаните, корпите да се чуваат и истите да не бидат предмет на вандализам на несовесни граѓани, „бидејќи се за наше заедничко општо добро“.
Никола Ивановски