Малопродажните цени на дизел горивата од ноќеска на полноќ се зголемуваат за 1,5 денари, додека цената на бензините за 0,5 денари по литар, одлучи денеска Регулаторната комисија за енергетика.
Така новата цена на ЕУРОСУПЕР БС-95 ќе изнесува 67 денари, додека за ЕУРОСУПЕР БС-98 69 денари по литар. Малопродажната цена на ЕУРОДИЗЕл ќе изнесува 54, додека на Екстра лесното масло за домаќинско 42,50 денари по литар.
Малопродажната цена на мазутот М-1 НС се зголемува 0,794 за ден/кг во однос на цената утврдена со Одлуката од 20.02.2017 година и со тоа цената на М-1 НС изнесува 28,292 ден/кг.
Овие цени ќе се применуваат во следните две недели кога повторно се очекува да заседава РКЕ.