Портретот на покојната принцеза Дијана е продаден за 10 пати поскапо од очекуваното, објави аукциската куќа „Сотби“, пренесува CBS News.
Маслото на платно, наречено Дијана, принцезата од Велс, е насликано во 1994 година од страна на починатиот американски уметник Нелсон Шанкс.
Сотби вели дека се очекувала цена од 20.000 долари, но сликата е продадена за 201.600 долари.
Оваа ретка слика е главната студија на принцезата Дијана, која е создадена на почетокот на изработката на нејзиниот портрет во целосна големина.
Уметниците понекогаш користат студии за глава за да ги усовршат емоциите и перспективите на личноста што ја сликаат.
На сликата е принцезата со полузатворени очи и замислен израз на лицето како во портрет во целосна големина, додека нејзиниот зелен фустан подоцна е сменет во бела блуза, за последниот голем проект, пишува „Сотби“.
Големиот портрет што висеше во палатата Кенсингтон пред да биде преместена во нејзиниот дом во Алторп, Нортемптоншир, ги отсликува емотивните последици од јавниот живот на Дијана во средината на 1990-тите, но и нејзиниот внатрешен отпор, пишува „Сотби“.
Позата за портретот траела повеќе од 35 часа
Дијана, сликарот Шанкс и неговата сопруга Леона станале блиски пријатели во време кога принцезата позирала за портретот.
Во писмото до парот во 1994 година, Дијана напишала: „Ми недостигате вие и Леон во Лондон бидејќи доаѓањето во студио беше безбедно засолниште, полно со поддршка и љубов“.
Три години откако го испратила писмото, Дијана загинала во сообраќајна несреќа во Париз, на 36-годишна возраст.
На Шенкс му била дадена задача да направи портрет во целосна големина на покојната принцеза од Велс во доцните 1990-ти, за што биле потребни повеќе од 35 часа позирање.
Уметникот е можеби најпознат по официјалниот портрет на поранешниот американски претседател Бил Клинтон, кој вклучува нијанса на познатиот син Гап фустан од Моника Левински.
#AuctionUpdate Nelson Shanks’s captivating study of Princess Diana sells for $201,600, 10X its high estimate. #SothebysMasters pic.twitter.com/jnKyoa2njC
— Sotheby’s (@Sothebys) January 27, 2022